غنوايه هاديه رومانسيه .. في عيون جريئه وعسليه
الشوق واخدني وبيسافر .. على جنة العشق الساحر
دي عيون غرامها من الآخر .. ما أحلاها عيشة الحنيه
يا عيون جمالها ملك روحي .. وقالتلي خد قلبي وروحي
انا قولت للأحزان روحي .. مالكيش مكان جوة عينيا
دي حبيبتي ضحكتها كمانجه .. عزفتلي اجمل اغنيه
انا كنت فاكر يا حياتي .. عشقت قبلك في حياتي
طلعت انا على نياتي .. ضحك الزمان ياما عليا
ده العشق قلبك اسراره .. انتي الهوا والملاغيه